Presidentja e Kosovës, Vjosa Osmani e cila po qëndron për vizitë në Francë, mbrëmë në një darkë të shtruar nga presidenti francez Emmanuel Macron, është takuar me zëvendëspresidentin amerikan J.D.Vance.
Me këtë rast, ajo shprehu mirënjohjen e thellë për aleancën me SHBA-të, duke konfirmuar përkushtimin për thellimin e bashkëpunimit në fusha të interesit të përbashkët.
Osmani ka thënë se me zëvendëspresidentin amerikan dhe liderët e tjerë botërorë kanë diskutuar tema të rëndësishme në interes të qytetarëve që përfaqësojmë.
Ndryshe Osmani do të marrë pjesë në Samitin për Inteligjencën Artificiale që do të mbahet në Francë.
