Real Madridi po përballet me një dilemë të re pasi Vinicius Junior la të kuptohej se mund të konsideronte një lëvizje në Arabinë Saudite nëse oferta financiare është e rëndësishme. Ndërsa braziliani mbetet i përkushtuar ndaj klubit, komentet e tij kanë ngritur shqetësime brenda bordit të Real Madridit, të cilët tani janë duke vlerësuar alternativat në rast të një shitjeje të mundshme prej 300 milionë euro.
Sipas mediumit Fichajes, dy emra kyç janë shfaqur si zëvendësues të mundshëm të yllit brazilian në “Santiago Bernabeu”. Rafael Leao, ylli i Milani, shihet si një pasardhës natyral në krahun e majtë të sulmit, me një çmim prej rreth 100 milionë euro.
Ndërkohë, Viktor Gyokeres i Sporting Lisbonës është një tjetër opsion, i cili mund të çojë në një ndryshim taktik, duke lejuar Kylian Mbappe të lëvizë në krahë, teksa ai të luajë në qendër. Klauzola e tij e lirimit vlerësohet mes 100 dhe 120 milionë euro.
Për momentin, e ardhmja e Vinicius Jr mbetet e pasigurt, por Real Madridi po përgatit plane emergjente nëse ylli i tyre brazilian largohet.
