Klubi anglez, Manchester City thuhet se ka bërë një lëvizje serioze për lojtarin e Bayer Leverkusen, Florian Wirtz.
Sipas Sky Sports, menaxheri i Cityt, Pep Guardiola, është i interesuar për të sjellë 21-vjeçarin gjerman, duke e konsideruar atë një zëvendësues të përshtatshëm për Kevin de Bruyne.
Wirtz ka luajtur 35 ndeshje në të gjitha garat këtë sezon, duke shënuar 15 gola dhe duke dhënë 12 asistime.
Faqja e specializuar e transferimeve dhe statistikave Transfermarkt e vlerëson lojtarin në treg në 140 milionë euro.
Britanikët shkruajnë se është e qartë se City ka nevojë për një rinovim, kështu që ata tashmë kanë sjellë Vitor Reis, Abdukodir Khusanov dhe Omar Marmoush këtë dimër.
Wirtz aktualisht është shënuar si objektivi i parë i Cityt për të krijuar një ekip me të cilin do të sulmojë sërish titullin kampion anglez.
Për të kujtuar, City aktualisht është në vendin e katërt në Ligën Premier, 16 pikë prapa liderit Liverpoolit.
