Shkup, 19 shkurt – Për mua nuk do të ketë ndarje mes zyrtarëve të tanishëm, të ardhshëm apo të mëparshëm, secili që ka gabuar duhet të mbajë përgjegjësi, normalisht në procedurat juridike, në procedurë penale, tha Slobodan Ivanovski, drejtor i Policisë Financiare.
“Kudo që kemi të dhëna dhe dyshime të arsyeshme për kryerjen e një krimi, ne do të veprojmë”. “Për ne është e rëndësishme që në këtë vend të mbizotërojë shteti i së drejtës, por kjo të mos jetë vetëm fjalë boshe, por ta tregojmë edhe në veprim”, tha Ivanovski.
Ndër procedimet ai iu referua edhe rasteve në rubrikën për Mbrojtjen e Mjedisit.
“Kemi dyshim të bazuar se janë kryer veprat penale “Përvetësimi në detyrë”, “Falsifikimi i shkresës zyrtare”, “Veprim i pandërgjegjshëm”, ku në periudhën 2021-2024 janë lidhur kontrata për prokurim publik, por në të njëjtën kohë ish-drejtori i SOZR-së përkundër faktit se operatori i SOZR-së nuk ka pasur kallzim të drejtpërdrejtë të interesit dhe nuk ka pasur dobi të drejtpërdrejtë materiale nga kjo.
