Juventusi ka pësuar një shok, teksa është eliminuar në çerekfinale të Kupës së Italisë para adhuruesve të vet nga Empoli.
Koha e rregullt u mbyll baras 1-1, derisa pas ekzekutimit të penalltive Empoli triumfuan me rezultat 2-4.
Trajneri i Juventusit, Thiago Motta, nuk u përmbajt, duke shprehur keqardhje të thellë për paraqitjen e ekipit të tij.
“Ndihem i turpëruar. Ne patëm një pjesë të parë që më bën të ndihem në siklet dhe shpresoj që lojtarët e mi të ndihen të njëjtën gjë. Mund të bëjmë gabime, por jo me qëndrim. Nuk arrita të përcillja rëndësinë e veshjes së një fanelle të Juventusit. E meritonim të dilnim. Kritikat duhet të jenë të ashpra, tifozët ishin shumë të sjellshëm duke pasur parasysh atë që panë në pjesën e parë”.
“Ne u përballëm me një ekip të Empolit që pushoi lojtarët kryesorë dhe ne nuk treguam mentalitetin e duhur. Ne nuk dhamë asgjë dhe bëmë të vetmin gabim që nuk mund ta përballojmë – mungesën e qëndrimit. Ne arritëm në fund”, tha Motta.
Krejt në fund trajneri italian ka thënë se faji është i tij për këto ndeshje të dobëta.
“Unë besoj në aspektin teknik, por ne kemi nevojë për më shumë se kaq. Qëndrimi është kyç dhe nuk do ta pranoj kurrë këtë sjellje. Faji është i imi që nuk i bëj të kuptojnë rëndësinë e të luajturit për Juventusin”.
“Ne duhet të rindërtojmë nga bazat – qëndrimi. Gjërat duhet të fitohen, jo të kërkohen. Ne duhet të punojmë për njëri-tjetrin, të respektojmë historinë e klubit dhe të garojmë në çdo ndeshje dhe stërvitje. Sot treguam të kundërtën, sidomos në pjesën e parë”, tha Motta.
