Shkup, 3 mars – Masat paraprake që përfshijnë sekuestrimin e përkohshëm të patentës së shoferit dhe ndalimin e dhënies së saj, ndalimin e daljes nga vendbanimi ose vendqëndrimin, detyrimin e të dyshuarit për t’u paraqitur te një zyrtar i caktuar në gjykatë, si dhe sekuestrimin e përkohshëm të dokumentit të udhëtimit për kalimin e kufirit shtetëror, janë propozuar nga prokurori publik për një person 47-vjeçar ndaj të cilit është hapur procedurë hetimore për shkak se dyshohet se ka kryer veprën penale “Vepër të rënda kundër sigurisë së njerëzve dhe pronës në komunikacion”.
“Më 2 mars, pak pas mesnate, pjesëmarrësi i dyshuar në komunikacion në rrugët publike ishte duke vozitur një veturë “Mercedes” në korsinë e majtë të rrugës “Shën Kirili dhe Metodi”. Por duke vepruar kështu, ai nuk i është përmbajtur rregulloreve dhe në këtë mënyrë ka rrezikuar trafikun publik, duke rrezikuar kështu jetën dhe trupin e njerëzve me vetëdije. Ai ka drejtuar automjetin me alkool 1.35 promilë, me shpejtësi tejkaluar dhe nuk ka ndaluar në vendkalimin e shënuar të këmbësorëve. Për këto arsye, pjesa e përparme e automjeti ka goditur në anën e majtë të trupit të viktimës, e cila si këmbësore ka qenë duke kaluar rrugën në vendkalimin e këmbësorëve. Viktima nga goditja ka pësuar lëndime të rënda, krisje të frakturës së gjymtyrës së poshtme.
Është propozuar masa paraprake me qëllim të sigurimit të të dyshuarit gjatë procedurës dhe parandalimin e përsëritjes së veprës penale”, thonë nga Prokuroria.
