Komisioni i Posaçëm i Apelimit (KPA) ka lënë në fuqi vendimin e Komisionit të Pavarur të Kualifikimit (KPK) për shkarkimin nga detyra të prokurorit të Vlorës Erjon Çelaj.
Në përfundim të gjykimit, në dhomë këshillimi, trupi gjykues i Kolegjit të Posaçëm të Apelimit, i përbërë nga Ina Rama kryesuese, Sokol Çomo relator, Albana Shtylla, Natasha Mulaj, Rezarta Schuetz anëtare, vendosi lënien në fuqi të vendimit të KPK-së të marrë më 21 shtator 2021, për shkarkimin nga detyra të Erjon Çelajt.
Erjon Çelaj, prokuror në Prokurorinë e Vlorës u shkarkua nga Komisioni i Pavarur i Kualifikimit, pasi trupa që kreu hetimin administrativ ndaj tij e gjeti atë me probleme të pasurisë dhe me probleme në kriterin e figurës.
