Mergim Asani boksieri me prejardhje nga Shkupi, por që jeton dhe vepron në Vjenë të Austrisë gjatë fundjavës ka arrit një super fitore ndaj boksierit serb Vanja Dujin, duke e mposhtur pas 40 sekondave luftë. Me triumfin e shpejtë u shpreh i kënaqur vet bokseri shqiptar i cili po paralajmëron një vit të bujshëm.
“Kundërshtari im njihet si një bokser i cili gjatë karrierës ka luftuar me kundërshtar shumë të fuqishëm dhe më të cilët gjithnjë ka përfunduar ndeshjen deri në fund, mirëpo me mua ishte dicka tjetër. Unë me stafin tim vendosëm që nga follimi të sulmojmë dhe arrita që pas disa goditjeve bokseri serb të dërgoj në dysheme. Me këtë fitore jam shumë i gëzuar dhe falënderoi trajnerin tim Zelko Vojnovic si dhe menaxherin tim Dyli Salihu, me të cilin kemi plan sivjet të zhviullojmë edhe dy ndeshje kurse vitin tjetër dua të luftoj në Austri për ndonjë titull internacional”, tha Asani.
Ndryshe, duhet cekur se Mergim Asani ka qen kampion në kikboks, kurse në boksin profesionist ka tre ndeshje dhe të gjitha i ka me ndërprerje.
