Policia e Kosovës ka arrestuar një person të dyshuar për veprën penale të zjarrvënies në qytetin e Pejës.
Sipas raportit të Policisë, ngjarja ka ndodhur më 27 mars 2025, rreth orës 00:50, në rrugën “Ali Hysvukaj”, ku një veturë ishte përfshirë nga zjarri. Në vendngjarje kanë dalë menjëherë njësitë policore dhe zjarrfikësit, të cilët kanë arritur ta lokalizojnë zjarrin.
Pas një pune intensive hetimore, policia ka arritur ta identifikojë dhe arrestojë të dyshuarin për këtë rast. Pas intervistimit, me urdhër të prokurorit të shtetit, i dyshuari është ndaluar për 48 orë.
Hetimet për rastin po vazhdojnë.
