Dy persona kanë marrë lëndime trupore si pasojë e një aksidenti i cili ka ndodhur të enjten rreth orës 13:10 në rrugën nacionale Mitrovicë-Bërnjak.
Sipas raportit 24 orësh të Policisë së Kosovës bëhet e ditur se në aksident kanë qenë të përfshira dy vetura të udhëtarëve.
Ndërkaq, siç thuhet në raport të lënduarit janë dërguar për tretman mjekësor në spitalin e Mitrovicës në veri.
“Ka ndodhur një aksident trafiku me lëndime, ku të përfshira kanë qenë dy automjete të udhëtarëve, njëri me targa të Serbisë me drejtues femër serbe dhe tjetri me targa vendore dhe me drejtues mashkull kosovar. Si pasojë e aksidentit lëndime trupore kanë pësuar drejtuesja e automjetit si dhe një pasagjer të cilët janë në tretman mjekësor në spitalin e Mitrovicës Veri”, thuhet në raport.
