Mbrojtësi i Newcastle United, Kieran Trippier ka folur për lojtarët më të vështirë me të cilët është përballur, duke nënvizuar si kundërshtarët e tij më të ashpër si ish-sulmuesin e Barcelonës, Lionel Messi , ashtu edhe anësorin e Real Madridit, Vinicius Jr.
Duke folur për kohën e tij në La Liga, Trippier vlerësoi cilësinë e jashtëzakonshme të Messit dhe ndau një këshillë të paharrueshme nga ish-trajneri i tij i Atletico Madrid , Diego Simeone .
“Vinicius Jr. është padyshim një nga më të vështirat në Spanjë”, tha fillimisht Trippier.
“Por sigurisht, do të më duhet të them Messi. Ai është thjesht fenomenal. Më kujtohet këshilla që Simeone na dha se si ta ndalonim atë – ai tha: “Vetëm lutu, nuk mund të bësh asgjë tjetër”, ta Trippier.
“Kur dikush si Simeone ju thotë këtë, ju e dini se jeni në telashe. Për fat të mirë, Messi nuk luajti në anën time, kështu që nëse do të më duhej të zgjidhja një me të cilin u përballa drejtpërdrejt, do të ishte Vinicius Jr”, deklaroi mbrojtësi anglez.
Trippier luajti për Atletico Madrid midis 2019 dhe 2022, duke fituar titullin e La Ligës në 2021 nën drejtimin e Simeones.
