Shkup, 14 maj – Gjykata e Lartë e rrëzoi vendimin e Gjykatës së Apelit të Shkupit, e cila e dënoi Vasil Jovanovin me tre vjet e 10 muaj burg për krimin e posedimit dhe trafikimit të narkotikëve.
Vendimi u mor nga Këshilli për Vepra Penale i Gjykatës së Lartë një javë para vendimit të djeshëm, i cili e dënoi të riun Jovanov me 12 vjet burg për aksidentin rrugor në të cilin ai përplasi për vdekje 22-vjeçaren Frosina Kulakova në një vendkalim për këmbësorë në Shkup.
Gjykata e Lartë, siç thuhet në njoftim, në një seancë të mbajtur më 7 maj, miratoi kërkesën e Vasil Jovanov për një rishikim të jashtëzakonshëm të vendimit përfundimtar për posedim dhe shitje droge, të cilin ai e paraqiti përmes një avokati.
Ndryshe, vendimi për këtë vepër penale është marrë nga Gjykata Themelore Penale e Shkupit si rrethanë rënduese me rastin e marrjes së vendimit dhe përcaktimit të lartësisë së dënimit që ia shqiptoi dje Jovanovit për aksidentin rrugor në të cilin ai e përplasi Frosina Kulakovën.
