Publiku izraelit u trondit të martën mbrëma nga lajmi për vdekjen e lojtarit të ekipit kombëtar të futbollit, Gadi Kinda, i cili ndërroi jetë në moshën 31-vjeçare.
Lajmi për vdekjen e Kindës u njoftua nga klubi i futbollit Maccabi Haifa, për të cilin ai kishte luajtur që nga janari i vitit të kaluar, dhe i dha fund karrierës së tij për shkak se po luftonte me një sëmundje të rëndë.
“Klubi i Futbollit Maccabi Haifa mban zi për vdekjen e lojtarit të ekipit, Gadi Raphael Kinda, i cili ndërroi jetë në moshën 31 vjeç. Familja Maccabi Haifa përqafon familjen Kinda dhe lutet që ata të mos përjetojnë më pikëllim. I bekuar qoftë kujtimi i tij”, thuhet në njoftimin e klubit.
Kohët e fundit, Kinda u shtrua në spital “duke kaluar nëpër një betejë të ndërlikuar mjekësore në javët e fundit” dhe tani e ka humbur betejën për jetën.
Lajmi i habiti shumë tifozë të futbollit duke pasur parasysh se Kinda luajti deri në mesin e muajit mars dhe ndeshja e tij e fundit ishte më 9 mars në një humbje 2-1 ndaj Ashdodit.
Kinda ka bërë gjithashtu dhjetë paraqitje për ekipin e parë kombëtar izraelit, e fundit prej të cilave ishte vitin e kaluar.
