Ministri për Evropën dhe Punët e Jashtme, Igli Hasani tha sot se “Shqipëria do që Ballkani Perëndimor të rrugëtojë si një i tërë drejt Bashkimit Evropian”.
Ministri Hasani zhvilloi një takim me të Dërguarin e Posaçëm të Ministrisë së Jashtme Sllovene për Ballkanin Perëndimor, Anžej Frangeš.
Në këtë takim Hasani cilësoi se “është në interesin e të gjithëve ta shohim Ballkanin Perëndimor si pjesë integrale të BE-së”.
Në anën tjetër, shtoi Hasani në një postim në rrjetet sociale, “inkurajuam bashkërisht eksplorimin e rrugëve të reja që sjellin bashkëpunim më të zgjeruar mes dy vendeve tona në nisma rajonale dhe fusha me potencial të lartë”.
