Pamjet tronditëse nga Brazili kanë treguar reagimin e Philippe Coutinhos kur dëgjoi të shtëna me armë gjatë një interviste.
Mesfushori aktualisht është i huazuar te Vasco da Gama nga Aston Villa. Që kur u rikthye në klubin e fëmijërisë verën e kaluar, Coutinho ka shënuar tetë gola dhe ka dhënë tre asistime në 41 paraqitje.
Megjithatë, klubit i është dashur të përballet me incidente të dhunshme në rritje në zonën përreth fushës së tyre stërvitore.
Sipas kanalit televiziv brazilian Globo, stafi ka përshkruar rregullisht dëgjimin e të shtënave me armë dhe të helikopterëve për shkak të operacioneve policore.
Vasco hapi terrenin e tyre të stërvitjes Moacyr Barbosa në rajonin Cidade de Deus të Rio de Janeiro në vitin 2020.
Coutinho kishte folur me gazetarët nga Globo së bashku me bashkëlojtarët Leo Jardim dhe Nuno Moreira.
Intervista e tij u ndërpre dy herë pasi u dëgjuan të shtëna me armë zjarri në distancë. 32-vjeçari dukej i pa-shqetësuar nga tingujt, megjithëse fillimisht bëri një pauzë.
Pamjet e intervistës tregojnë Coutinhon duke u kthyer dhe duke buzëqeshur përpara se të bëjë një shaka me Jardimin dhe Moreirën.
Dyshja e lojtarëve u panë gjithashtu duke qeshur në përgjigje, ndërsa mbetën të qetë pas të shtënave të dukshme.
Pavarësisht raportimeve për të shtëna me armë në zonën përreth, Vasco ka investuar shumë në bazën e tyre të stërvitjes.
Ndërkohë, klubi synon të krijojë një zyrë për presidentin, një sallë të madhe takimesh dhe një zonë të dedikuar posaçërisht për stafin e trajnerëve.
