Lionel Mesi vazhdon të dhurojë spektakël në elitën e futbollit amerikan “MLS”. Ylli argjentinas realizoi një gol të jashtëzakonshëm nga gjuajtja e lirë në barazimin dramatik 3-3 mes Inter Miami dhe Filadelfia-s.
Vendasit ishin në dy raste në avantazh me 2-0 dhe 3-1, por Inter Majami arriti që në fund barazojë rezultatin. Ishte minuta e 87-të e ndeshjes, kur Mesi realizoi një gol të jashtëzakonshëm nga gjuajtja e lirë për të rikthyer shpresën tek skuadra e tij E në frymën e fundit të ndeshjes, mesfushori ekuadorian Segovia realizoi një tjetër gol të bukur për rezultatin përfundimtar 3-3.
Argjentinasi 37-vjeçar tani ka arritur në kuotën e pesë golave dhe dy asistimeve në 10 ndeshje këtë edicion në “MLS”, derisa ka edhe pesë gola të tjerë dhe një asist në “Concacaf Champions Cup”.
