Trajneri i Manchester United, Ruben Amorim, ka trajtuar vështirësitë e ekipit të tij në Ligën Premier, duke theksuar nevojën për t’u fokusuar në përmirësim dhe jo në pozicionin e ligës.
Portugezi ka marrë drejtimin e Man Utd disa javë më parë, por ende nuk ka arritur të dalë në lojën e tij të dëshiruar.
“Nuk ka kuptim të shikojmë renditjen tani sepse ne nuk jemi në krye,” tha Amorim.
“Unë fokusohem në atë që ekipi po bën dhe çfarë duhet të përmirësojmë. Çelësi është të kesh një ide dhe rrugë të qartë, edhe në kohë të vështira”, deklaroi Amorim.
Ai e pranoi zhgënjimin, por mbeti i sigurt në drejtimin e klubit. “Ndoshta jemi më të frustruar dhe të zemëruar, por nuk jemi të humbur. Ne e dimë se ku duam të shkojmë”, tha Amorim.
Amorim gjithashtu vlerësoi tifozët për mbështetjen e tyre të vazhdueshme. “Të ndiejmë tifozët pas nesh, pavarësisht rezultateve të këqija, tregon se po bëjmë diçka siç duhet”, përfundoi ai.
