Arnold Gjergjaj ka arritur fitoren e tij të gjashtë me radhë kurse kësaj radhe ka triumfuar ndaj gjermanit Denis Lewadovskit me pikë. Ishte një ndeshje shumë e fuqishme me shumë goditje, mirëpo bokseri shqiptar me përvojën e tij dhe përgatitjet arriti të përfundoi ndeshjen me sukses.
“Në “Grand Basel Casino” Ishte një mbrëmje me shumë aksione dhe ngritje te adrenalinës dhe kjo krijoi një atmosferë të shkëlqyer ashtu siç i ka hije një spektakli të tillë. Arnold “The Cobra” Gjergjaj edhe njëherë tregoi se është një ndër bokserat më të mirë në këtë peshë dhe shpresojmë se shumë shpejt do ti jepet mundësia për të luftuar për një titull të madh sepse me formën dhe disiplinën që posedon Arnold Gjergjaj e meriton që të kthehet sërish në skenën e madhe. Falënderoi Arnoldin për bashkëpunimin e sinqertë dhe korrekt që kemi krijuar tani më në pesë ndeshjet e fundit duke qen kështu edhe matchmaker i ekipit”, tha Dyli Salihu – Management Promotion – ArenaRing.
