Katër persona janë arrestuar pasi dyshohet se me forcë dhe me përdorimin e mjetit të mprehtë (thikë) ia kanë marrë një personi tjetër me inicialet (R.C) 200 euro.
Sipas një njoftimi nga Policia e Kosovës bëhet e ditur se ngjarja ka ndodhur të mërkurën rreth orës 18:15 të hekurudha, afër stacionit të autobusëve në Prizren.
“Arrestohen katër të dyshuar për veprën penale ‘Grabitje’ dhe ‘Tentim grabitje’. Më datën 08.01.2025, Njësiti i hetimeve të Stacionit Policor në Prizren, si rezultat i hetimeve intensive kanë arritur që të identifikojnë dhe arrestojnë katër persona të dyshuari: I.B viti i lindjes 2010 m.r.k, E.Z viti i lindjes 2007 m.r.k, F.Z viti i lindjes 2009 m.r.k, B.M viti i lindjes 2008 m.r.k.
Arrestimi i tyre është bërë pasi që janë gjetur prova të mjaftueshme se të dyshuarit me datën 08.01.2024 rreth orës 18:15, të hekurudha – afër stacionit autobusëve Prizren. Me forcë dhe me përdorimin e mjetit të mprehtë (thikë) ka arrit nga viktima (R.C), t’i marrin 200 euro, dy viktimat kanë pësuar lëndime”, thuhet në njoftim.
Tutje bëhet e ditur se të dëmtuarit kanë marr ndihmën e parë mjekësore në spital dhe më pas janë liruar.
“Sektori i hetimeve kanë arrestuar te dyshuarit, i kanë sjell në stacionin policor në Prizren dhe në prezencë të avokatëve, prindërve, punëtorëve social janë intervistuar dhe kanë pranuar veprën penale në tërësi”.
Ndërkaq, lidhur me veprimet hetimore, është informuar Prokurori Kujdestar për te Mitur dhe ndaj katër te dyshuarve është lëshuar Aktvendim për ndalim 24 orë.
Ndaj tyre do të ngritët kallëzim penal për veprën penale ‘’Grabitje’’ dhe “Tentim Grabitje”.
