Është arrestuar një i dyshuar për armëmbajtje pa leje në Leposaviq.
Arrestimi i të dyshuarit është bërë dje, në orën 13:30 tek rruga “24 Nëntori”.
Në raportin 24-orësh të Policisë së Kosovës, thuhet se gjatë kontrollit në shtëpinë e të dyshuarit janë gjetur dhe sekuestruar disa armë, shkruan Telegrafi.
Sipas raportit, janë sekuestruar një pushkë ajrore, një pushkë gjuetie, katër fishekë, dy radiolidhje, një gazë maskë dhe një thikë.
Bëhet e ditur se me vendim të prokurorit, i dyshuari është liruar dhe rasti ka vazhduar në procedurë të rregullt.
“Rr. 24 Nëntori, Leposaviq / 04.05.2025 – 13:30. Është arrestuar i dyshuari mashkull kosovar pasi që gjatë kontrollit të shtëpive të tij i janë gjetur dhe sekuestruar; një pushkë ajrore, një pushkë gjuetie, katër fishekë, dy radiolidhje, një gazë maskë dhe një thikë. Me vendim të prokurorit i dyshuari është liruar dhe rasti shkon në procedurë të rregullt”, thuhet në raport.
