Klubi katalunas, Barcelona thuhet se ende e ka objektiv kryesor sulmuesin anësor të Athletic Bilbaos, Nico Williamsin.
Sipas gazetarit të njohur Matteo Moretto, Barcelona e ka ende Nico Williamsin në listën e ngushtë të transferimeve verën e ardhshme.
Më herët, u raportua se dëshira e sulmuesit anësor spanjoll për t’iu bashkuar Barçës është ‘më e fortë se kurrë’.
Lojtari thuhet se mban kontakte me disa lojtarë të Blaugranave; ai gjithashtu beson se ky veprim do t’i jepte atij përfitime profesionale.
Barcelona thuhet se e konsideroi Nico Williams objektivin e tyre prioritar verën e kaluar; lojtari pranoi t’i bashkohej klubit, por katalunasit nuk arritën t’i zgjidhnin problemet e tyre të Fair Play Financiarit për të mbyllur marrëveshjen.
Nico Williams ka shënuar dy gola dhe ka dhënë gjashtë asistime në 20 paraqitje për Athletic Bilbao këtë sezon.
