Inaki Pena ka luajtur disa ndeshje këtë sezon te Barcelona dhe kjo ka bërë që vlera e tij të rritet.
Portieri spanjoll mori vendin e titullarit pas lëndimit të kapitenit Mar-Andre ter Stegen, por nuk zgjati shumë.
Me ardhjen e polakut Woijcech Sczsesny, Pena ka mbetur në bankë dhe ai do të largohet në verë.
Te Barcelona po fërkojnë duart, pasi kanë nevojë për të hyra dhe Pena ka disa oferta.
Gazeta katalunase Sport ka raportuar se Real Betis dhe Celta Vigo e duan spanjollin në La Liga, derisa Galatasaray në Turqi.
Për më tepër edhe disa skuadra angleze kanë shprehur interesim për transferimin e portierit spanjoll.
Katalunasit synojnë që nga shitja e Penas të fitojnë rreth 15 milionë euro.
