Barcelona e di se një fitore ndaj Benficas të martën do t’u siguronte atyre kualifikimin në raundin e 1/16-ave në Ligën e Kampionëve.
Sidoqoftë, shanset e tyre për të arritur sukses në Lisbonë janë goditur pas një lëndimi që ka pësuar Dani Olmo.
Të dielën, gjiganti katalanas konfirmoi se mesfushori ka pësuar një mbingarkesë në kofshën e tij dhe si rezultat, ai nuk do të jetë në gjendje të udhëtojë në Portugali në mesjavë.
Është lënë të kuptohet se periudha e rikuperimit nuk është bërë ende e ditur, që do të thotë se ekziston rreziku që ai të humbasë edhe ndeshje të tjera.
Barcelona ishte e kënaqur që iu dha një masë paraprake për ta regjistruar Olmon, por duke marrë parasysh se ajo masë mund të hiqet, gjëja e fundit që ata do të donin është që ai të lëndohej për herë të dytë brenda katër muajve.
Olmo do të kishte një mundësi të mirë për të qenë titullar ndaj Benficas, por tani i jep mundësinë një lojtari tjetër të Barcelonës për të dëshmuar veten në një ndeshje të rëndësishme.
