Portieri i Manchester Cityt, Ederson do të mbetet jashtë për Copa America, ka konfirmuar Federata e Futbollit të Brazilit (CBF).
Ederson pësoi një frakturë në gropën e syrit kur u përplas me mbrojtësin Christian Romero gjatë përballjes së Cityt me Tottenhamin.
30-vjeçari tani është konfirmuar se do t’i mungojë Brazilit në Copa America që do të zhvillohet në Shtetet e Bashkuara të Amerikës, garë kjo që do të fillojë më 20 qershor.
Përzgjedhësi i Brazilit, Dorival Junior, e ka zëvendësuar tani Edersonin në listën e lojtarëve të ftuar me portierin e Sao Paulos, Rafael, i cili nuk ka asnjë paraqitje me Brazilin.
‘Selecao’ do të synojë të fitojë titullin e Copa Americas për herë të dhjetë në historinë e tyre.
