Athinë, 14 shkurt – Bllokim i ri në vendkalimin kufitar Evzoni (Bogorodicë) drejt Maqedonisë së Veriut nga ora 19:00 deri në orën 21:00 sipas orës lokale, respektivisht nga ora 18:00 deri në orën 20:00 me kohën e Maqedonisë së Veriut paralajmërojnë bujqit nga pjesa veriore e Greqisë, lajmëroi korrespondentja e MIA-s nga Athina.
Sipas mediave lokale, por dhe sipas televizionit shtetëror ERT, ky do të jetë bllokimi i dytë për sot, duke marrë parasysh se në periudhën nga ora 13:00 deri në orën 15:00 kanë mbyllur një korsi për hyrje në Greqi të kamionave dhe automjeteve transportuese për transport ndërkombëtar.
Nuk përjashtohet mundësia, sonte, bllokimi të jetë i plotë, respektivisht t’i mbyllin të gjitha pikat për hyrje dhe dalje nga Greqia në vendkalimin konkret kufitar drejt vendit tonë.
Bllokim simbolik njëorësh të kufirit kishte edhe mbrëmë vonë.
Bujqit nga tërë Greqia po zhvillojnë sot takime, për të informuar kolegët e tyre për takimin e djeshëm me kryeministrin grek, Kirjakos Micotakis, ndërsa për nesër në mesditë është plaifikuar takim i përbashkët i të gjithë bujqëve, për të përcaktuar hapat e tyre të ardhshëm.
Duke marrë parasysh atë se reagimet fillestare pas bisedimeve me Micotakis janë se nuk janë plotësuar të gjitha kërkesat e tyre, ka më shumë gjasa që protestat dhe bllokadat të intensifikohen.
