Jacob Neestrup, trajneri i Copenhagen doli në konferencë para ndeshjes ndaj Dritës, takim ky i vlefshëm për turin e dytë të Champions. Ai vlerëson skuadrën nga Kosova, ndërsa kërkoi përqendrim nga të tijtë.
“Drita është një ekip që duhet të jemi në gjendje ta mposhtim në dy ndeshje, por si gjithmonë kemi respekt për kundërshtarin tonë.
Drita është një shembull i mirë i një skuadre kampione nga një ligë me renditje më të ulët, por që ka marrë pjesë disa herë, përfshirë edhe në kualifikueset e Ligës së Kampionëve, dhe që ka krijuar shumë përvojë duke luajtur në këto raunde paraprake kualifikuese.”
“Sigurisht që i kemi studiuar me kujdes dhe, ndër të tjera, kemi parë ndeshjet e tyre të mëhershme kundër ekipeve me renditje më të lartë si Antëerp, Viktoria Plzen, Legia Varshava dhe Feyenoord. Drita u eliminua, por ata gjetën një mënyrë për t’i bërë ndeshjet sa më të barabarta të ishte e mundur”, përfundoi ai.
