Cricket Wireless po përpiqet ta bëjë Apple Watch më tërheqëse duke prezantuar një plan vetëm për orën inteligjente.
Bëhet e ditur se për herë të parë operatori do të ofrojë Apple Watch Series 9, shkruajnë mediat e huaja.
Plani i ri i orës inteligjente të operatorit i lejon klientët e rinj dhe ekzistues të kenë qasje në njoftimet e bisedave, të dhënave dhe aplikacioneve pa pasur nevojë për iPhone pranë.
Apple Watch për fëmijë është gjithashtu një opsion i disponueshëm përmes Family Setup.
Kjo e fundit i lejon fëmijët e familjes që nuk kanë iPhone të tyre të përfitojnë nga veçoritë si ajo e fitnesit, komunikimit dhe sigurisë së Apple Watch.
