Çikago, 18 maj – Drejtori i Entit Shtetëror të Pronësisë Industriale, Eljesa Neziri, po merr pjesë në takimin vjetor të Shoqatës Ndërkombëtare të Markave Tregtare (International Trademark Association – INTA), i cili po mbahet në San Diego, SHBA, nga data 17 deri më 21 maj 2025.
Ky forum global mbledh përfaqësues nga institucionet homologe, ekspertë të së drejtës së pronësisë industriale, si dhe profesionistë të fushës së markave tregtare nga mbarë bota. Pjesëmarrja e drejtorit Neziri në këtë ngjarje të nivelit të lartë përbën një mundësi të rëndësishme për shkëmbimin e përvojave, forcimin e bashkëpunimit ndërkombëtar dhe avancimin e praktikave të mira në fushën e mbrojtjes së pronësisë industriale.
Gjatë qëndrimit në SHBA, Neziri pritet të realizojë takime bilaterale me përfaqësues të institucioneve partnere dhe organizatave relevante në këtë fushë.
