Tetovë, 18 maj – Sektori i Punëv të Brendëshme në Tetovë, në bashkëpunim me drejtuesit e shkollave në Tetovë, kanë informuar maturantët dhe semi-maturantët si duhet kujdesen gjatë festave të maturës dhe semi- maturës. Zëdhënësi i SPB- Tetovës, apelon deri tek maturantët dhe semi-maturantët mos konsumojnë pije alkoolike e narkotike, të kenë kujdes gjatë vozitjes pasi në të kundërtën do të përballen me ligjin.
“SPB-Tetova nëpërmjet inspektorëve që punojnë për parandalimin e rasteve, nëpër shkollat fillore dhe të mesme kanë mbajtur projekte preventive sa i përket çështjeve të simulimit në rast të zjarrit ose të ndryshme se si mund të bëhet evakuimi i sigurt i tyre nga objektet. Në rastin e mbrëmjeve të maturës, janë njoftuar me implikimet ligjore të cilat mund të implikohen edhe maturantët. Pra drejtimi i automjeteve pa patentë shofer, pirja e pijeve alkoolike dhe konsumimi i drogave të ndryshme narkotike, nxënësit maturantët të gjithë janë njoftuar me implikimet ligjore. Apelojmë deri tek prindërit kryesisht atyre që kanë fëmijë në klasa të nënta por edhe maturantë që nuk kanë leje për qarkullim mos u japin veturat fëmijëve të tyre se për çdo pasoj që mund të ndodhë përgjegjësi mban edhe pronari i automjetit.”, – tha zëdhënësi i SPB- Tetovës, Fatmir Rexhepi.
Nga Sektori i arsimit thonë se janë marrë gjitha masat e nevojshme që këto festa të kalojnë sa më mirë, duke kërkuar edhe nga restorantet që t’i plotësojnë kushtet ligjore.
“Pas ndodhive në qytetin e Koçanit është rritur kontrolli dhe përkujdesja. Ne kemi kërkuar nga të gjithë shkollat fillore dhe të mesme që organizimet që bëjnë në formë zyrtare të kërkojnë edhe nga restorantet a i plotësojnë kushtet, a kanë aparate kundër zjarrit ose evakuim në rast të ndonjë fatkeqësie.”, – deklaroi udhëheqësi i arsimit në komunën e Tetovës, Nazmi Dauti.
Nga ana tjetër pronarët e restoranteve ku do festohen nuk deshën të flasin para kamerave por thanë se i kanë gjitha kushtet e nevojshme. Ndërkohë, ende nuk është dhënë as një rekomandim për të punuar këta restorante nga Qendra për mbrojtje dhe shpëtim në Tetovë. Kurse pronarët e restoranteve i kanë dërzuar dokumentet e tyre por ende pa përgjigje.
Nga Qendra për Mbrojtje dhe Shpëtim në Tëtovë, thonë se i kanë pranuar dokumentet nga pronarët e restoranteve por në mungesë të inspektorëve në Tetovë, nuk kanë dhënë rekomandime ose pëlqime për të punuar pasi nuk kanë të punësuar inspektor. Ata thonë se këtë punë do e bëjnë inspektoratët e Shkupit, që do duhet të dalin në teren e të vendosin, nëse këta restorante i plotësojnë kushtet për mbajtje të festave të organizuara në objektet ë tyre. Përndryshe inspektimet u shtuan më shumë në objektet hotelerike pas tragjedisë që ndodhi në Diskotekën Puls në Koçan, ku humben jetën 62 të rinj.
