Kryetari i klubit Al-Hilal, Fahad bin Nafel thuhet se udhëtoi për në Milano pasi ekipi saudit është e interesuar për yllin e Interit, Nicolo Barella dhe trajnerin Simone Inzaghi.
Sipas La Gazzetta dello Sport, skuadra saudite Al-Hilal është e gatshme të forcojë skuadrën e saj me dy gurët e themelit të Interit: Barella dhe Inzaghi.
Gazeta italiane pohoi tashmë në fillim të këtij muaji se Barella kishte refuzuar një ofertë me para marramendëse nga skuadra saudite, por sipas raportit të fundit, interesi i tyre për yllin italian mbetet i lartë.
Gazzetta dello Sport shton se Al-Hilal i kanë vënë sytë edhe trajnerit të Interit, Inzaghi, i cili shihet si kandidati i tyre i preferuar për të zëvendësuar Jorge Jesus.
Presidenti i klubit, Fahad bin Nafel, kaloi disa ditë në qytetin e Milanos këtë javë për të eksploruar një marrëveshje të mundshme.
Sipas raportit, skuadra saudite mund të ofrojë deri në 20 milionë euro në sezon për të bindur trajnerin italian, por Interi është i bindur se Inzaghi do të zgjasë kontratën e tij në ‘Giuseppe Meazza’.
Presidenti Beppe Marotta përsëriti të enjten se zgjatja e kontratës së Inzaghit deri në vitin 2028 ishte “një formalitet”.
Sipas disa burimeve, Inzaghi do të bëhej trajneri më i paguar i Serie A nëse nënshkruan për Interin, duke fituar 7 milionë euro plus bonuse.
