Luka Doncic është tema kryesore e mediave amerikane pas marrëveshjes më të madhe të NBA në tridhjetë vitet e fundit, në të cilën slloveni u bë anëtar i Los Angeles Lakers.
Slloveni u këmbye nga Dallas Mavericks dhe mediumi ESPN njoftoi se një nga arsyet ishte pesha e Doncicit, e cila thuhet se arrin në 122 kilogramë.
Për shumë, kjo histori nuk ka absolutisht asnjë kuptim, sepse Doncic ishte mbipeshë edhe më parë, gjë që e bëri atë një nga basketbollistët më të mirë në botë. Për këtë ka folur edhe basketbollisti legjendar Shaquille O’Neal.
“Më duhet të di se cili është termi i saktë. Për çfarë po flasin? Kur thua se është jashtë formës, a është i shëndoshë? Po flasim për yndyrë trupore?”, pyeti fillimisht ‘Shaq’.
“Luka Doncic i shëndosh është më i mirë se 99.9 për qind e të gjithë organizatorëve në NBA”.
O’Neal, i cili vetë mori kritika për mbipeshë gjatë karrierës së tij (me 216 centimetra peshonte rreth 150 kilogramë), kujtoi se si “nuk stërvitej gjatë verës sepse kishte detyrime – familje, fëmijë dhe të ngjashme”. Më vonë, gjatë parasezonit dhe vetë sezonit, ai do të arrinte formën ideale.
“Kjo ishte metoda ime, funksionoi për mua”, kujtoi O’Neal, i cili gjithashtu beson se Dallas Mavericks janë fituesit nga kjo marrëveshje.
