Dhunë në baza gjinore, por mes fqinjëve ka ndodhur në Shkup të Maqedonisë së Veriut, transmeton TV21. Në raportin ditor të Policisë, bëhet e ditur se një fqinj mashkull ka rrahur një grua, që ka banuar në afërsi të tij. Bashkëshortja e sulmuesit më pas është sjellë në mënyrë agresive edhe me policët.
“Sot (19.04.2024) në ora 01.30 në rajonin e Kisella Vodës, nëpunësit policorë nga Stacioni Policor Kisella Vodë kanë arrestuar B.M.(47) dhe S.M.(35), që të dy nga Shkupi. B.M. dyshohet se fizikisht e ka sulmuar fqinjën e tij M.P.B.(35) nga Shkupi, kurse më pas bashkëshortja e tij S.M. në mënyrë agresive është sjellë ndaj nëpunësve policorë të cilët kryenin detyrat zyrtare”, thuhet në njoftimin e MPB-së.
Nga atje shtojnë se ndërmerren masat për zbardhjen e rastit.
