Mesfushori spanjoll Rodri ka fituar për herë të parë në karrierë e tij çmimin më të madh për futbollistë ‘Topin e Artë’.
Ylli i Manchester Cityt ka marrë shumë urime nga e gjithë bota, por njëri ishte i veçantë.
Gavi reagoi shpejt për rezultatet e Topit të Artë duke e uruar Rodri për fitoren.
Ai ndau një histori në Instagram, duke thënë: “Urime miku im! E merituar!”
Postimi i Gavi mori shumë vëmendje pasi Vinicius Jr i tha mesfushorit të Barcelonës në El Clasico se të hënën do të shkoj për ta fituar ‘Topin e Artë’.
Ndërsa ndeshja po i afrohej fundit, Gavi i kujtoi Vinicius humbjen 4-0 të Real Madridit. Në përgjigje, Vinicius tha me besim: “Po, po, por të hënën do të shkoj për Topin e Artë”.
