Pas incidentit të dasmës, banorët kanë filluar të përdorin “lojën” e Gjestit kundër tij, duke e nxjerrë atë në shesh për sjelljen e tij.
Një nga momentet më të tensionuara ishte gjatë një debati mes Aldos dhe Gjestit, ku tensionet arritën kulmin.
Aldo, i revoltuar, i tha Gjestit: “Frikacak o frikacak, jo jo, e dua shoqe”, duke e ngacmuar për sjelljen e tij të dyfishtë, ndaj Eglit.
Gjesti, i nervozuar, iu përgjigj duke thënë: “Unë ta kam bërë lojën, ta kam dridhur”.
Por, Aldo nuk u ndal, duke e tallur më tej me fjalët: “Ia more fytyrën, o vëlla. Mbretereshës sate”, duke e akuzuar për manipulim dhe lojë të paskrupullt.
Gjesti përpiqej të mbante qetësinë, duke i thënë Aldos: “A s’po di të mendosh ndonjë lojë?”.
Tensioni mes banorëve po rritet, dhe tani Gjestit i është dashur të përballet me akuzat dhe kritikat për lojërat e tij, pasi çdo veprim i tij po shikohet nga të gjithë banorët, të cilët nuk janë më të gatshëm të heshtin.
