Simone Inzaghi thuhet se do të marrë një bonus prej 1 milion euro nëse Interi fiton titullin e Serie A këtë sezon, ndërsa skuadra do të ndajë 6 milionë euro nëse fiton tripletën.
Kampioni në fuqi i Serie A, Interi është i vetmi klub italian që është ende i përfshirë në tre gara këtë sezon.
Ata janë liderët e ligës me tri pikë epërsi ndaj Napolit të vendit të dytë dhe janë kualifikuar në gjysmëfinalet e Kupës së Italisë dhe çerekfinalet e Ligës së Kampionëve.
Sipas Gazzetta dello Sport, kontrata e Inzaghit me Interin përfshin një bonus prej 1 milion eurosh që do të fitohet nëse Nerazzurrët fitojnë sërish titullin e Serie A në sezonin 2024-2025.
Trajneri italian ka fituar së fundmi çmimin ‘Panchina d’Oro’ për sezonin 2023-24, si njohje për fitoren e Scudettos nga Interi.
Verën e kaluar, Inzaghi nënshkroi një kontratë 6.5 milionë euro në vit deri në vitin 2026, dhe klubi aktualisht është në bisedime për një zgjatje të mëtejshme deri në vitin 2028. Presidenti i Interit, Beppe Marotta së fundmi e përshkroi zgjatjen e ardhshme të kontratës së Inzaghit si një ‘formalitet’.
Natyrisht, Inzaghi nuk do të jetë i vetmi në Inter që merr bonuse nëse Nerazzurrët marrin më shumë trofe këtë sezon.
Sipas Gazzetta dello Sport, çmimi që do të ndahet nga ekipi nëse fiton të gjitha garat këtë sezon do të jetë 6 milionë euro.
