Podgoricë, 9 prill Zhurnal.mk – Ish-kryediplomati malazez Miodrag Vlahovic, ka kërkua që Mali i Zi t’i kërkoj falje Kosovës, pas deklaratave të Ministrit të Planifikimit Hapësinor në qeverinë malazeze Slaven Radunovic që doli me pretendime mjaft të pabesueshme për Ramush Haradinajn, përcjell Gazeta Metro.
Ish diplomati malazez Vlahovic thekson se ministri malazez Radunovic ka për qëllim të qartë minimin e marrëdhënieve mes Malit të zi dhe Kosovës dhe se ky synim i tij është evident.
“Kjo është gjithsesi detyrë për ministrinë e punëve të jashtme të Malit të Zi dhe ministrin Ervin Ibrahimovic. Nëse ai s’ka kurajë apo nuk d, atëherë duhet Filiip Ivanovic që t’i kërkojë falje Ministrisë së Punëve të jashtme të Kosovës për këto tregime idioteske e të rreme dhe njëkohësisht të rrezikshme të kolegut – anëtarit të kabinetit qeverisës malazez që ka qëllim të qartë minimin e marrëdhënieve mes Malit të zi dhe Kosovës”, ka shkruar ai në një postim në X të enjten.
Vlahovic më tej nënvizon me ironi se është e dukshme që kjo i shërben vetëm synimeve të një regjimi në rajon duke iu referuar qëndrimeve të partisë së cilës i takon politikani serb në Mal të Zi.
Intervista e Radunovic do të transmetohet të premten në televizionin publik RTCG dhe u promovua nga transmetuesi publik pikërisht me këtë pjesë.
