Deputetja e Aleancës për Ardhmërinë e Kosovës, Time Kadrijaj e quajti cirk atë që po ndodh në Kuvendin e Kosovës.
Pas dështimit të 16-të përpjekjes për konstituim të Kuvendit, Kadrijaj theksoi se Lëvizja Vetëvendosje nuk po tenton të ndryshojë emrin e kandidatit për kryeparlamentar.
“Për respekt jemi ndal sot këtu, për shkak se po na vjen keq që po detyroheni çdo 48 orë, edhe ju si media me ardh me përcjell një cirk që po ndodh në Kuvendin e Kosovës, pa ndonjë ndryshim, pa tentim të ndryshimit nga Lëvizja Vetëvendosje, sepse ju keni pa, është dhënë alternativa, e thanë edhe parafolësit, këta janë lidhur me një emër që nuk po kalon dhe nuk po merr më shumë se 55 vota dhe këta nuk po tentojnë as të ndryshojnë, as të provojnë se a ka një kandidat tjetër i cili i plotëson kushtet që ndoshta që do të ishte votuar edhe prej partive tjera parlamentare.
Nuk po dëshirojnë, mirë që s’po ja bëni ju si ambasadorët që më nuk po çojnë përfaqësues për t’i përcjellë këto seanca plenare e ndoshta do të ishte mirë edhe ju të abstenoni sepse nuk po prodhon asgjë”, deklaroi ajo.
