Klubi anglez, Liverpooli thuhet se është afër marrëveshjes me yllin e Bayer Leverkusen, Jeremie Frimpong, i cili shihet pasuesi ideal i Trent Alexander-Arnold.
Sipas Florian Plettenberg të Sky Germany, Liverpooli është në prag të arritjes së një marrëveshjeje me mbrojtësin e krahut të djathtë të Leverkusenit.
“Jeremie Frimpong dhe Liverpool janë në prag të arritjes së një marrëveshjeje verbale”, ka shkruar fillimisht Plettenberg në profilin e tij.
“Frimpong është gati për transferimin te Liverpooli – gjithashtu sepse Arne Slot është shumë i etur ta nënshkruajë atë”.
“Duket mirë, por marrëveshja nuk është bërë ende. Klauzola e lirimit është vendosur rreth 35-40 milionë euro”, përfundoi gazetari gjerman.
