Kombëtarja e ishujve të Saint Kitts and Nevis mundën San Marinon me rezultat 3-1 në një ndeshje miqësore jashtë fushe.
Filippo Berardi i dha epërsinë San Marinos në minutën e 21-të nga penalltia, por mysafirët nga ishulli i Karaibeve përmbysën rezultatin me golat e Tyquan Terrell në minutën e 31-të, Andre Burley në minutën e 45-të dhe Harry Panayiotou në minutën e 49-të.
San Marino është kombëtarja e fundit, e 210-ta në renditjen e FIFA-s, ndërsa Saint Kitts dhe Nevis është në vendin e 147-të.
Përfaqësuesja evropiane kështu nuk arriti të thyente serinë e pabesueshme. Kjo ishte ndeshja e tij e 138-të pa fitore, dhe hera e fundit që ajo festoi ishte kundër Lihtenshtajnit (1-0) në prill 2004. Pra, gati 20 vjet më parë.
Inkurajuese për San Marinon, ku ka një numër futbollistësh jo profesionistë, është fakti se shënoi një gol për të katërtën ndeshje radhazi.
“Kombëtarja më e keqe” në botë shënoi kundër Danimarkës (1-2), Kazakistanit (1-3) dhe Finlandës (1-2) në kualifikueset për Kampionatin Evropian dhe tani ndaj një vendi ekzotik në një ndeshje miqësore.
