Futbollisti i Kombëtares së Kosovës, Mirlind Kryeziu e ka përfunduar aventurën e gjatë te skuadra e Cyrihut. Ai mbrëmë u përshëndet me tifozët dhe tashmë është një ‘lojtar i lirë’.
Pas ndeshjes, Kryeziu foli për të ardhmen e tij edhe pse nuk e bëri të ditur skuadrën, sepse thotë se është “sekret”. Megjithatë, ai lë për të dyshuar se po shkon në Bundesliga 2 të Gjermanisë.
Gazetari: Rruga mund të çojë në Bundesliga 2?
Kryeziu: Po, mund të jetë.
Gazetari: Në Hannover?
Kryeziu: Jo nuk mendoj!
Mbrojtësi kosovar pritet që shumë shpejt të bëjë të ditur të ardhmen e tij.
