Yassine Cheuko, një trajner fitnesi dhe ish-boksier amator më i njohur për rolin e tij si truproja i Lionel Messit, ka sfiduar boksierin dhe YouTuberin, Logan Paul, për një meç boksi.
Mosmarrëveshja e fundit mes Logan Paul dhe Lionel Messi për pijet e tyre energjike, PRIME dhe Mas+, është përshkallëzuar në një përballje të mundshme boksi.
Mas+ akuzoi PRIME se u përpoq t’u bënte presion për të ndryshuar paketimin, gjë që bëri që PRIME të kundërshtonte, duke pretenduar se Mas+ kopjoi dizajnin e tyre.
Pasi të dyja palët ngritën padi për shkelje të pretenduar të patentave, Paul propozoi zgjidhjen e mosmarrëveshjes në ring, duke sfiduar Messin për një luftë.
Truproja e Messit, Yassine Cheuko, një ish-SEAL i marinës amerikane, është përgjigjur në rrjetet sociale duke pranuar sfidën në vend të Messit.
“Dëgjo Logan, po e bëj këtë video sepse shumë njerëz më ndalojnë në rrugë, më dërgojnë mesazhe dhe kam shumë komente në Instagram për këtë luftë. Nuk mund të kthehemi tani, mbaroi. Duhet ta bëjmë për popullin. Le ta bëjmë!”, thotë ish-boksieri amator në një video të postuar në rrjetet sociale, duke shtuar se Messi nuk e njeh Logan dhe se nëse dëshiron vërtet një luftë, mund ta luftojë atë.
Paul më pas pranoi të luftonte me Cheuk, duke i propozuar që, në rast të humbjes, ai duhet të pinte pijen e tij energjike PRIME.
Chueko zakonisht shihet në ndeshjet e Inter Miamit, duke ‘përgjuar’ anash dhe madje duke ndjekur Messin në fushë për ta mbrojtur atë, dhe ai është një ish-ushtar amerikan që ka marrë pjesë në misione në Irak dhe Afganistan. Përveç kësaj, ai është një ekspert i arteve marciale, boksier dhe mjeshtër i taekëondo.
Në anën tjetër, Logan Paul është vëllai i boksierit dhe YouTuberit shumë më të famshëm Jack Paul.
