Në zemrën e qytetit të Ferizajt ndodhet ndërtesa e Stacionit të Trenit, ndërsa sipas të dhënave zyrtare në Ferizaj ajo është ndërtuar në vitin 1873/1874, pas përfundimit të linjës hekurudhore.
Si ndërtesa më e vjetër publike në qytet, ajo mbart brenda saj historinë e zhvillimit të një qyteti që falë kësaj infrastrukture, u shndërrua në një pikë strategjike në rajon.
“Kjo linjë hekurudhore, projektuar nga francezët si pjesë e zgjerimeve në territoret e Perandorisë Osmane, njihej nga banorët lokalë si ‘udha e frëngut’ dhe luajti një rol kyç në transformimin ekonomik dhe social të Ferizajt”, thonë ekonomistët dhe historianët ferizajas.
Me kalimin e kohës, Stacioni i Trenit nuk ishte thjesht një pikë transiti për mallra dhe njerëz, por një vend ku historia ndodhte.
Gjatë luftës së Kosovës (1998-99), stacioni u përdor edhe për dëbimin masiv të qindra mijëra shqiptarëve nga Kosova si pasojë e dhunës e luftës në Kosovë.
Këto ngjarje, të ngulitura thellë në kujtesën kolektive, e kanë bërë këtë ndërtesë një simbol të vuajtjes, por edhe të mbijetesës.
Ndërtesa e Stacionit të Trenit mbetet sot një monument i gjallë i ndërlidhjes së kulturave dhe të historisë së përbashkët, një testament për rëndësinë e kujtimit të të kaluarës dhe mësimeve që ajo sjell.
Ajo flet jo vetëm për të kaluarën e një qyteti, por për historinë e popullit të tij dhe qëndrueshmërinë e shpirtit njerëzor në përballje me sfidat më të mëdha.
Për rëndësinë e historinë e këtij institucioni kanë folur edhe historianë dhe njohës të zhvillimit të qytetit të Ferizajt, si Ilir Bytyçi – historian, Azem Çerkini – ekonomist dhe Nebi Jashari, ekonomist.
Sipas tyre, kjo hekurudhë ka ndikuar për zhvillimin e vendit, punësimin dhe lëvizjen e njerëzve dhe shkëmbimin e mallrave.
Ata thonë se gjithashtu pati në atë kohë hapje të dyqaneve e bizneseve të reja në afërsi të këtij stacioni dhe rrugës afër.
Për më shumë ndiqeni rrëfimin e plotë të tyre.
