Një person ka humbur jetën nga zjarri pasi mëngjesin e sotëm është gjetur i vdekur në shtëpinë e tij në fshatin Çiflik të Dellçevës. Zjarri është raportuar në ora 05:22, ndërsa në vend ka intervenuar ekipi i zjarrfikësve të Dellçevës.
“Sot, më 20.01.2025, në ora 05:22 minuta në SPB Shtip është raportuar se në fshatin Çiflik të Dellçevës ka rënë zjarr në një shtëpi në fshatin Çiflik të Dellçevës, në pronësi të D.D (36) person me probleme shëndetësore”, thuhet në kumtesën e SPV të Shtipit.
Nga ekipi i NJTZ Dellçevë zjarri është shuar, ndërsa në shtëpi është gjetur trupi i pajetë i pronarit.
Mjeku ka konstatuar vdekjen dhe me urdhër të prokurorit, trupi i pajetë i të ndjerit është dorëzuar për obduksion.
Është kryer ekpertizë nga ekipi inspektues nga DPB Dellçevë dhe po ndërmerren masa për zbardhjen e rastit.
