Grupi gjerman, Rheinmetall, i njohur për prodhimin e sistemeve të armëve, merret edhe me gjëra të tjera.
Një nga projektet më të fundit është infrastruktura për karikimin e vetrurave elektrike dhe tani një zgjidhje unike po demonstrohet në Gjermani.
Prizat e karikimit të vendosura në tokë në trotuar do ta bëjnë karikimin më të pajtueshëm në mjediset urbane. Si pjesë e fazës së parë të testimit, u vunë në funksion dy impiante pilot.
“Shpesh është e vështirë për njerëzit në apartamente pa hapësira parkimi të siguruara të kalojnë në makina elektrike. Ata nuk mund të instalojnë një kuti muri, as nuk mund të kalojnë një kabllo nëpër trotuar për të karikuar automjetin e tyre. Kjo është pikërisht arsyeja pse karikuesit e trotuarit Rheinmetall janë zgjidhja perfektë”, komenton Timo Czech, kryetar i komunës së Norvenich në Gjermani.
“TankE ofron një pikë karikimi direkt pranë hapësirave të parkimit në vende publike pa pasur nevojë të vendoset një stacion i rregullt karikimi në rrugë, i cili mund të kufizojë hapësirën për këmbësorët”, shtoi ai.
Karikuesi në anë të rrugës duhet të jetë i lehtë për t’u instaluar dhe duhet të ofrojë një fuqi karikimi deri në 22 kW, i përbërë nga module të shkallëzueshme që kanë gjithashtu një zgjidhje të integruar pagesash me kartë.
