Prokuroria e Përgjithshme është vënë në lëvizje, pasi mediat greke kanë shkruar se gjyqtarja Irena Gjoka është dënuar në vendin fqinj për falsifikim dokumentesh.
Gazetarja Klodiana Lala raporton për Balkanweb se Prokuroria i ka nisur KLGJ-së kërkesë për verifikimin e gjyqtares Irena Gjoka.
Kërkesa është dërguar që më 19 prill 2024.
Në përgjigje, KLGJ i ka vënë në dispozicion të gjitha dokumentacionin e zonjës, përfshirë dhe formularin e vetëdeklarimit.
Irena Gjoka, e cila është aktualisht gjyqtare në Gjykatën e Posaçme Kundër Korrupsionit dhe Krimit të Organizuar është vendosur sërish në qendër të mediave greke, teksa akuzohet për falsifikim dokumentesh.
