Prokuroria Themelore Publike në Shkup mori vendim për zbatimin e procedurës hetuese kundër një 25-vjeçari i cili dyshohet se ka kryer tentim për vrasje në Çair.
Siç informojnë nga Prokuroria Publike, më 17 korrik në orët e natës në Çair, i dyshuari me motoçikletë me shpejtësi të madhe ka kaluar përgjatë të dëmtuarit dhe një personi të cilët lëviznin në këmbë dhe i kishte spërkatur me ujin e mbledhur në asfalt. Ishte ndalur dhe i kishte kërkuar falje dëshmitarit, përderisa me të dëmtuarin fillimisht ishte zënë ndërsa pastaj edhe fizikisht kishin shkëmbyer disa goditje.
“I dyshuari së pari kishte ikur, por pastaj i kishte pritur në afërsi të kopshtit të fëmijëve ‘Fidani’ dhe me pistoletë kishte qëlluar një plumb ndaj të dëmtuarit, duke i shkaktuar lëndim me plagosje me armë në anën e djathtë të krahërorit dhe duke i dëmtuar disa organe. Kryerësi menjëherë përsëri ishte arratisur”, thonë nga Prokuroria.
Prokurori publik gjykatësit të procedurës paraprake nga Gjykata Themelore Penale Shkup i ka dorëzuar propozim për përcaktimin e masës paraburgim për të dyshuarin, ndërsa masa e arrestit duhet të zbatohet pas privimit të tij nga liria.
Në ndërkohë, nga Prokuroria shtojnë se Ministria e Punëve të Brendshme vepron për gjetjen e të dyshuarit.
