Lazio ka ndarë zyrtarisht rrugët me mbajtësin e tyre të shqiponjës, Juan Bernabe, pasi ai tregoi në rrjetet sociale fotografi të implantit të penisit apo e njohur ndryshe edhe si protezë penile.
Klubi kryeqytetas ka shkarkuar ‘njeriun e shqiponjës’ pasi ky i fundit kishte shpërndarë imazhe eksplicite të implantit të penisit të tij në mediat sociale.
Biancocelestët konfirmuan vendimin e tyre të hënën mbrëma, duke thënë se ndeshjet e ardhshme në shtëpi do të luhen pa ‘Eagle Olympia’, e cila dikur fluturonte mbi Stadio Olimpico para fillimit të çdo ndeshjeje.
Lazio tha se ata ishin “të tmerruar” kur panë imazhet e shpërndara nga Bernabe në mediat sociale dhe lexuan pretendimet e tij.
Bernabe kishte folur për implantin e tij me emisionin e radios italiane La Zanzara të hënën përpara se të shkarkohej nga klubi.
Ai tha se ai kishte shpërndarë fotot dhe videot në kanalin e tij privat ‘X’, që do të thotë se ishte një çështje private.
Megjithatë, ai pohoi gjithashtu se donte t’i ndërgjegjësonte njerëzit për llojin e operacionit që iu nënshtrua dhe se ai “nuk ishte penduar”.
Lazio e pezulloi Bernaben edhe në vitin 2021, kur ai u kap në kamera duke bërë një përshëndetje fashiste dhe duke thënë se e admironte Benito Musolinin.
