Në dhomën e gjumit të Big Brother VIP Albania, Egli, Amber dhe Danja u përfshinë në një bisedë të sinqertë mes vajzash.
Tema kryesore ishte puthja e shumëpërfolur mes Eglit dhe Gjestit gjatë një shfaqjeje si një sfidë e vendosur nga Vëllai i Madh.
Pasi momenti shkaktoi shumë reagime për shkak të raportit të tyre të mëparshëm dhe ndjenjave që Egli i kishte shprehur më herët Gjestit, vajzat nisën ta komentojnë ngjarjen.
Egli u shpreh e hapur për emocionet e saj, duke pranuar: “E kam ndier”.
Amber e pyeti drejtpërdrejt: “Sa ke pritur këtë puthje?”.
Egli u përgjigj me sinqeritet: “Nuk kam thënë ndonjëherë ‘hajde puthemi’, e kam menduar që kur kam filluar të ndiej diçka për të”.
Amber vazhdoi duke përshkruar momentin si një skenë plot pasion: “Aty në ekran dukej shumë bukur kur u puthet, ishte pasionante. Gjesti dukej si ai gangsteri i rrugës që të kap dhe të puth”.
Egli nuk fshehu kureshtjen e saj për ta parë nga një kënd tjetër: “Isha shumë kurioze ta shikoja”.
Biseda mes vajzave tregoi edhe një herë sa e rëndësishme ishte kjo puthje për Eglin dhe sa shumë ndikoi ajo në dinamikën e tyre brenda shtëpisë.
