Athinë, 18 mars – Akomodim për të afërmit e personave të lënduar nga tragjedia në Koçan, të cilët janë hospitalizuar në Selanik, por edhe transport nga vendi i akomodimit e deri te spitalet, siguron Shoqata e e grave afariste nga Greqia, të cilët tahsmë kanë në dispozicion rreth 20 dhoma dhe shtretër.
Kryetarja e Shoqatës, Apostolina Caltabasi në bisedë me korrespodenten e MIA-s nga Athina, potencoi se ky është akt i njerëzimit, humanitetit, dashurisë dhe miqësisë, por edhe më së paku që ka mundur të bëjnë.
Shoqata greke ka bashkëpunim shumëvjeçar me Shoqatën e grave afariste në vendin tonë, ndërsa kryetarja Caltabasi sqaron se kur kanë marrë vesh për aksidentin të dielën në mëngjes, kanë kontaktuar menjëherë me kolegët e tyre në Shkup.
“Edhe ne para dy viteve me fatkeqësinë e trenit në Tempi kaluam njëjtë dhe e dimë sa dramatike është të humbasësh fëmijë kaq të vegjël dhe sa e padrejtë. Menjëherë i kemi pyetur nëse mund të ofrojmë ndonjë ndihmë, qoftë materiale, teknike apo ndonjë gjë tjetër, ndërsa në atë moment aty ka mbisunduar panik”, sqaron Caltabasi për MIA-n.
Pasi e kanë parë kumtesën e Shoqatës së grave afariste të Maqedonisë së veriut, Valentina Disoska, përmes së cilës u ka bërë thirrje të gjithë atyre që kanë nevojë për qëndrim në Shkup për të qenë më afër fëmijëve të tyre, të hyjnë në kontakt me Shoqatën dhe pasi kanë kuptuar se në Selanik po transferohen fëmijë për mjekim, e kanë ngritur iniciativën.
Përmes MIA-s, kryetraja e Shoqatës së grave afariste në Greqi, porositi se të gjithë të afërmit e personave të lënduar, të cilët janë hospitalizuar në Selanik, mund të kontaktojnë në numrin e telefonit 00302310224440 për ndihmë.
