Federata Shqiptare e Futbollit të hënën publikoi njoftimin për një letër falënderimi që ka pranuar nga “një grup studentësh me aftësi të kufizuara nga Kosova ‘Handicap Students of Kosovo’, pas ndeshjes Shqipëri – Serbi”.
Së fundi FSHF-ja dhe presidenti i saj, Armand Duka, janë kritikuar ashpër nga tifozët e shumtë shqiptarë për organizmin e Evropianit U21 të vitit 2027 bashkë me Serbinë dhe për mënyrën se si kanë ndarë biletat për ndeshjen e së shtunës mbrëma me Serbinë.
“Këta studentë ishin pjesë e një grupi të gjerë përfaqësuesish nga Shoqata e të Verbërve, Shoqata e Invalidëve, si dhe individë me aftësi të kufizuara nga brenda dhe jashtë Shqipërisë, të gjithë me origjinë shqiptare, të cilëve FSHF-ja u ofroi mundësinë për të ndjekur ndeshjen Shqipëri – Serbi”, shkruhet në njoftimin e FSHF-së.
Në letrën e tyre, studentët nga Kosova shprehin mirënjohjen ndaj Presidentit të FSHF-së, Armand Duka, dhe të gjithë stafit organizativ, për mikpritjen, përkujdesjen dhe trajtimin dinjitoz që iu është ofruar gjatë gjithë qëndrimit të tyre në Tiranë.
FSHF-ja ka publikuar po ashtu përmbajtjën e plotë të letrës së këtij grupimi studentësh.
I nderuar President i FSHF-së, z. Duka,
E nderuar znj. Pamela,
Të nderuar anëtarë të FSHF-së,
Përmes këtij e-maili ju shprehim falënderimin tonë për mikpritjen dhe kujdesin e treguar ndaj nesh gjatë ditës së djeshme.
Ne, në të vërtetë, jemi dy shtete sepse ashtu na ka ndarë historia, padrejtësisht, por në zemër gjithmonë do të jemi të bashkuar në përkrahje të Kombëtares kuqezi, sepse zemrat tona nuk rrahin ndryshe.
Mirënjohës për punën dhe angazhimin tuaj!
Me respekt, Handicap Students of Kosovo.
